Mitubag na ang kampo ni Bise Presidente Sara Duterte sa subpoena o summon nga gipadala sa Senate Impeachment Court, pinaagi sa pag-submit sa ilang dokumento.Mga alas-5:49 sa hapon, miabot sa Senado ang kampo ni VP Sara aron ipasa ang 35-ka panid nga tubag sa Impeachment Court.
Gidawat kini ni Senate Secretary ug Impeachment Court Clerk Renato Bantug Jr.Sumala ni Bantug, ang dokumento adunay precautionary response, tungod kay posibleng adunay laing argumento nga ipresentar ang kampo ni Duterte sa umaabot nga mga proseso.
Human madawat ang tubag, ipanghatag kini ngadto kang Senator Chiz Escudero, nga mao ang Presiding Officer sa Impeachment Court, ug sa tanang senador nga molingkod isip mga hukom (senator-judges), ug kang Atty. Reginald Tongol, tigpamaba sa korte.Ang House Prosecution Panel nakadawat na usab og kopya sa maong dokumento, ug hatagan sila og hangtod lima (5) ka adlaw aron makapasa sa ilang pormal nga tubag