Nag-andam na sa pagsumite og bag-ong mosyon sa Korte Suprema ang kampo ni Senador Ronald dela Rosa aron hangyuon pag-usab ang temporary restraining order batok sa implementasyon sa arrest warrant gikan sa International Criminal Court.
Gikumpirma ni Atty. Estelito Torreon, abogado sa senador, nga magpasaka sila og motion for reconsideration sa umaabot nga mga adlaw human mabasura sa Korte Suprema ang ilang unang petisyon pinaagi sa 9-5-1 nga botasyon sa en banc session.
Bisan pa sa maong desisyon, nagpabilin nga positibo ang kampo ni dela Rosa nga mahimo pa nilang madala balik sa Supreme Court ang ilang hangyo aron mapahunong ang implementasyon sa ICC arrest warrant.
Kahinumduman nga ang senador nangayo og interim relief aron malikayan ang pagserbisyo sa warrant nga may kalabotan sa giingong papel niini sa war on drugs sa miaging administrasyon.