Nagpabiling init ang tensyon sa Senado human gibatikos ni kanhing Bayan Muna Representative ug abogado nga si Atty. Neri Colmenares ang giingong “double standards” sa pagpatuman sa balaod ngadto sa mga opisyal sa gobyerno.
Matud ni Colmenares, lahi ang pagtratar sa mga kritiko sa administrasyon itandi sa mga kaalyado niini, ilabi na sa mga kasong giatubang sa pipila ka mga senador karon.
Gisaway usab niini ang sugyot nga tugotan ang online voting sa impeachment trial batok kang Sara Duterte, ug giingong wala kini’y lig-on nga basehan sa Senate rules ug sa balaod.
Samtang, gihagit usab ni Colmenares ang Philippine National Police o PNP nga patas ug walay pinalabi nga ipatuman ang balaod ilabi na sa pagpangita kang Senador Ronald dela Rosa nga wanted sa International Criminal Court o ICC.