Gisulong sa Kamarabaha ang imbestigasyon sa pagkamatay ni kanhi DPWH Undersecretary Catalina Cabral, nga usa sa mga giingong nalambigit sa flood control scam.
Gipangulohan ni Senior Deputy Minority Leader ug Caloocan Rep. Edgar Erice ang pagpasa sa resolusyon kaganeha sa buntag. Saysay pa niini nga dili ordinaryo ang pagkawala ni Cabral tungod anaa pa sa tunga tunga sa imbestigasyon sa nawalang pondo sa gobyerno.
Dilikado matud pa alang sa publiko nga dili masayran ang mga tawo sa likod niini. Kauban ni Rep. Erice sa pagpasa sa resolusyon ang pipila ka mga magbabalaod sama nila Mamamayang Liberal Rep. Leila de Lima; mga Akbayan Party-list lawmakers nga sila Chel Diokno, Perci Cendaña, ug Dadah Kiram Ismula; Batangas Rep. Leandro Leviste; Kamanggagawa Rep. Eli San Fernando; ug Dinagat Islands Rep. Kaka Bag-ao.
Matud pa ni Mamamayang Liberal Rep. Leila de Lima nga kinahanglan og laom pa nga imbistigaasyon sa pagkamatay ni Cabral dili matud pa angay nga maghatag nag conclusion kabahin sa kamatayon sa kanhi opisyal.
Kinumduman nga anaa kay Leviste ang dokumento nga naglangkob sa listahan sa mga giingong proponents sa 2025 DPWH insertions nga matud pa gikan sa opisina ni Cabral.