Misaka ang gidaghanon sa mga kaso sa teenage pregnancy sa Bukidnon sa mga batang nag-edad og 10 hangtod 14 anyos, bisan pa sa kinatibuk-ang pagkunhod sa teenage pregnancy sa probinsya niadtong 2024.
Matud ni Population Program Officer IV Emily Marie Estacio-Quiro, tali sa mga hinungdan sa sayong pagmabdos ang kakulang sa parental guidance, ingon man ang impluwensya sa social media ug peer pressure.
Tungod niini, gipakusgan sa POPDEV ang Adolescent Sexual and Reproductive Health Education sa mga eskwelahan, lakip ang paghatag og kahibalo bahin sa Republic Act 11596 o Prohibition of Child Marriage.
Base sa datos sa Philippine Statistics Authority, mikunhod ang total nga teenage pregnancy cases sa Bukidnon gikan sa 4,719 niadtong 2023 ngadto sa 4,592 niadtong 2024.
Apan sa mga nag-edad og 10 hangtod 14 anyos, misaka ang kaso gikan sa 124 ngadto sa 135, diin 12 anyos ang pinakabata nga natala.