Gipalig-on sa City Disaster Risk Reduction and Management Office (CDRRMO) sa Malaybalay ang mga lakang alang sa kaandam batok sa kalamidad isip kabahin sa National Disaster Resilience Month nga may temang “Naghahanda at Kumikilos Tungo sa Panatag na Bagong Pilipinas.”
Matud ni CDRRMO Head Allan J. Comiso, lakip sa ilang mga inisyatiba ang pag-abli sa extension office sa Upper Pulangi aron mapadali ang pagresponde sa walo ka mga barangay nga layo sa sentro sa siyudad.
Gipakusog usab sa CDRRMO ang pagpangandam sa komunidad pinaagi sa Family Disaster Preparedness Symposium sa mga flood-prone barangays aron mahibalo ang mga residente sa angay buhaton sa panahon sa kalamidad.
Lakip usab sa mga programa ang pagbansay sa mga responder, bloodletting, ug lifeguarding training uban sa Australian Lifeguarding Trainers aron mapalambo ang ilang kapasidad sa pagresponde.