Gibarugan sa Iran nga dili pa niini ablihan ang Strait of Hormuz hangtod dili dawaton sa Estados Unidos ang mga kondisyon sa Tehran alang sa pagtapos sa gubat sa rehiyon.
Matud ni Mohsen Rezaei, bag-ong secretary sa Iran’s Supreme National Security Council, kinahanglan tapuson sa US ang gubat ug bayran ang frozen assets sa Iran.
Gipangayo usab sa Iran nga apil sa kasabutan ang pagtapos sa gubat sa Lebanon ug Gaza. Tungod niini, gilauman nga dili dayon mobalik sa normal ang shipping operations sa Strait of Hormuz, diin kaniadto moagi ang dakong bahin sa suplay sa lana ug liquefied natural gas sa kalibotan.
Misaka usab ang presyo sa lana tungod sa kabalaka sa epekto sa padayong pagsira sa maong estratehikong agianan sa dagat.
Samtang, nagpadayon ang diplomatic efforts sa Pakistan, Qatar ug Oman aron mapaduol ang US ug Iran sa usa ka kasabutan.