Ebola outbreak sa DR Congo, misaka na sa kapin 2-K ang namatay

Misaka na sa 2,011 ang kumpirmadong namatay tungod sa Ebola sa Democratic Republic of the Congo o DR Congo.

Base sa pinakabag-ong datos, mikabat na sa 4,381 ang kumpirmadong kaso sa lima ka probinsya sa nasud.

Gipasamot sa hinay nga pag-ila sa mga kaso, kagubot sa pipila ka lugar ug kakulang sa health services ang pagkaylap sa virus.

Kini na ang ika-17 nga Ebola outbreak sa DR Congo ug hinungdan sa Bundibugyo strain, nga wala pay aprubadong bakuna o tambal.

Nagpadayon ang mga paningkamot sa mga awtoridad ug health workers sa pagpugong sa dugang pagkatag sa virus, bisan pa sa kakulang sa medical supplies, seguridad ug pagsalig sa pipila ka komunidad.