Naglusad ang India og usa ka military nga operasyon batok sa Pakistan. Kini nga lihok misangpot sa dakong tensiyon tali sa duha ka nuclear-armed nga nasod ning kasamtangan.
Sa opisyal nga pamahayag sa Ministry of Defense sa India, giingon nga ang operasyon ilang gihimo subay sa ilang katungdanan nga protektahan ang ilang katawhan human sa brutal nga Pahalgam terrorist attack nga nahitabo niadtong miaging buwan. Sa maong insidente, 25 ka mga Indian ug usa ka Nepali nga turista ang namatay.
Saysay pa sa Defence Ministry nga ang ilang lakang tinud anay ug ilang gi plano nga dili mugrabe ang tensiyon. Wala matud pa sila mitira ug bisan unsang pasilidad sa lugar sa Pakistan.
Ang ilang pag pili sa mga target ug paagi sa operasyon gipakita ang ilang pag pugong. Napulo ka mga site ang gitumbok sa maong operasyon, sumala sa pamahayag, ug daghang pagbuto ang nadungog sa Pakistan-administered Kashmir.