Malaumon ang legal expert nga si Atty. Tony Laviña nga magmalampuson ang giduso nga impeachment process batok sa pipila ka opisyal sa nasud.
Kini human natala na ang 45 ka mga botante sa Kongreso nga pabor sa maong lakang. Sumala ni Laviña, gikinahanglan ang kinatibuk-ang 115 ka boto aron hingpit nga mapatigayon ang impeachment, diin 70 na lamang ka pirma ang kulang aron maabot ang maong target.
Gipasabot sa eksperto nga kon ugaling makalusot sa Ubos-Balay-Balauran, gilauman nga mahimong paspas ang dagan sa trial sa Senado nga posibleng magsugod sulod lamang sa pipila ka adlaw.
Dugang pa ni Laviña, kon moabot man ang maong isyu sa Korte Suprema, mahimong madesisyonan kini sulod sa duha ka tuig base sa pormulasyon sa balaod, depende sa mga sirkumstansya sa maong kaso.