Magpadayon ang House of Representatives sa impeachment hearing batok kang Vice President Sara Duterte nga gikatakdang ipahigayon sa Abril 14, 2026, human nga wala magpagawas og Temporary Restraining Order ang Korte Suprema.
Gipasiugda ni Batangas Rep. Gerville “Jinky Bitrics” Luistro ug chairperson of the House Committee on Justice nga ang mga pagdungog sa House Committee on Justice uyon sa Konstitusyon ug hugot nga nagsunod sa mga lagda sa Kamarabaha, sa Saligang Batas, ug sa may kalabutan nga mga desisyon sa Korte Suprema.
Gipasalig usab niini nga ang mga pagdungog mahimong patas, organisado, base sa ebidensya, ug adunay hingpit nga pagrespeto sa due process.
Gisaway usab niini ang mga isyu sa kampo sa bise presidente ug gihulagway kini nga mga teknikalidad lamang.
Dugang pa ni Luistro,i nga ang impeachment usa ka mekanismo nga gitakda sa Konstitusyon aron masiguro nga ang mga hataas nga opisyal manubag sa seryosong mga alegasyon batok kanila.
Sumala ni Luistro, ang pagserbisyo sa publiko nagkinahanglan og accountability, ug ang mga giakusahan angay hatagan og kahigayunan nga mopasabot ug madungog ang ilang bahin.
Gipasalig usab sa Justice panel nga nagsunod sila sa mga limitasyon nga gitakda sa balaod, lakip na ang one-year bar rule.
Bisan pa sa mga legal nga lakang nga gilauman gikan sa kampo ni Duterte, nagpabilin nga kumpiyansa si Luistro nga mogawas ang kamatuoran sa proseso sa imbestigasyon.