Gikonsidera sa Malacañang nga usa ka matang sa pag-atake sa administrasyon ang gipasakang impeachment complaint batok kang Presidente Ferdinand “Bongbong” Marcos Jr.
Kini ang gibutyag ni Palace Press Office Undersecretary Claire Castro, ang maong lakang dili lamang makaapekto sa personal nga kapasidad sa Presidente, kon dili lakip na usab sa tibuok nasud ug sa dagan sa ekonomiya.
Kini ang nahimong reaksyon sa palasyo human pormal nga giduso ngadto sa House Committee on Justice ang duha ka verified impeachment complaints nga gi-endorso ni Representative Jett Nisay ug sa mga mambabalaod gikan sa Makabayan Block.
Bisan pa man niini, gipasalig ni Usec. Castro nga gitahud sa Malacañang ang kagawasan ug desisyon sa kamarabaha. Matud pa niini, gipasagdan sa Presidente nga mudagan ang legal nga proseso subay sa gilatid sa balaod.
Sa laing bahin, gikatakdang tukion sa House Committee on Justice ang maong reklamo sugod sa Pebrero 2 hangtod sa Pebrero 4, 2026. Tumong sa maong mga session ang pagsusi kon duna bay igong basehan ang maong mga impeachment complaint sa dili pa kini ipadayon sa mas lawom nga imbestigasyon