Misaka na ngadto sa 24 ang kumpirmadong patay sa nahitabong pagkaunlod sa M/V Trisha Kerstin 3 sa kadagatan sa Basilan, sumala sa report gikan sa Integrated Provincial Health Office (IPHO) ug Philippine Coast Guard (PCG).
Base sa opisyal nga record, ang barko dunay sakay nga 342 ka pasahero ug naglawig gikan sa Zamboanga City paingon unta sa Jolo, Sulu sa dihang nahitabo ang aksidente sa Baluk-Baluk Island.
Sa pinakaulahing update, nasayran nga daghan sa mga biktima ang natrap sa sulod sa barko samtang ang uban nakabsan sa kinabuhi human miambak sa dagat.Giklaro sa PCG nga dili overloaded ang maong sakyanan sa dagat base sa kapasidad niini.
Kasamtangan, nagpadayon pa ang imbestigasyon sa mga awtoridad aron matino ang eksaktong hinungdan sa pagkalunod, samtang gipaningkamutan pa ang pag-ila sa uban pang mga biktima pinaagi sa DNA testing tungod sa kahimtang sa mga patayng lawas.