Misaka na sa 5,208 ang ihap sa mga namatay tungod sa duha ka kusog nga linog nga miigo sa Venezuela niadtong miaging bulan. Sumala ni National Assembly President Jorge Rodriguez, anaa na sa 16,740 ang mga nasamdan sa maong katalagman.
Gibutyag usab niya nga 128,324 ka pamilya ang natabangan sa gobyerno, samtang 23,820 ka tawo ang gipapuyo sa 107 ka temporaryong evacuation camps.
Narekord usab sa mga otoridad ang 1,388 ka aftershocks sukad sa hitabo.
Samtang, nagpadayon ang gobyerno sa programa sa rehabilitasyon sa kalikupan sa rehiyon sa La Guaira, usa sa labing grabeng naapektuhang lugar sa linog.
Matud ni Minister of Popular Power for Ecosocialism Nelson Rodriguez, gibanabana nga 2.106 milyon ka toneladang mga hugaw ug kagun-oban ang nahibilin sa mga apektadong lugar.
Ang maong banabana gibase sa usa ka pagtuon nga gihimo sa gobyerno sa Venezuela ug sa United Nations Development Programme o UNDP.