Mikabat na sa 68,875 ang kinatibuk-ang ihap sa mga namatay sa Gaza sukad misugod ang giyera tali sa Israel ug Hamas niadtong Oktubre 7, 2023, sumala sa mga lokal nga awtoridad.
Samtang, 170,679 na usab ang total nga mga nasamdan sa maong kagubot.Sa pinakahuling report, tulo ka patay ug duha ka samaran ang nadala sa ospital sulod sa 24 ka oras, hinungdan nga mitaas sa 241 ang total nga patay ug 609 ang samaran sukad gipatuman ang ceasefire niadtong Oktubre 10, 2025.
Dugang pa niini, 513 ka mga patayng lawas ang narekober gikan sa mga naguba nga mga building sukad nagsugod ang ceasefire.
Matod pa sa mga awtoridad, 15 ka dugang nga patayng lawas sa mga Palestino ang gibalik sa Israel pinaagi sa tabang sa Red Cross nga nagpasaka sa kinatibuk-ang ihap sa 285 ka mga patay nga gibalik sukad sa pagpatuman sa ceasefire.
Apan sa maong gidaghanon, 84 pa lamang ang naila sa mga medical team.