Nag-awhag ang mga House prosecutors nga undangon ang kultura sa pagpanghulga ug personal nga pag-atake sa social media.
Matud ni Bicol Saro Party-list Representative Terry Ridon, ang impeachment case batok kang Vice President Sara Duterte dili lamang nagtumong sa paghisgot sa giingong mga hulga batok sa Pangulo ug sa iyang pamilya, kondili usab sa pagsumpo sa nagkalapad nga kultura sa pagpanghulga nga mahimong sundon sa mga supporters sa mga lider.
Samtang, gikondena ni Deputy Speaker ug Iloilo Representative Janette Garin ang pagpangdaot ug pagpakaulaw sa mga House prosecutors sa social media.
Giingon niyang ang pagbugalbugal sa ilang pisikal nga kahimtang walay kalabotan sa kamatuoran sa impeachment proceedings ug usa lamang ka porma sa bullying.
Giawhag sa duha ka mambabalaod ang publiko nga likayan ang personal nga pag-atake ug ipunting ang ilang pagtagad sa mga ebidensya ug mga isyu nga gihisgutan sa impeachment trial.