Hugot nga gisupak sa usa ka international lawyer ang mga panawagan nga ipaubos ang age of criminal liability sa nasud taliwala sa nahitabong trahedya sa pagpamusil sa usa ka tunghaan didto sa Tacloban City.
Sa pakighinabi sa Bombo Radyo Malaybalay kay Atty. Tony Laviña, iyang gipahayag nga dili ang kasamtangang Juvenile Justice and Welfare Act ang rason sa problema kondili ang pagliko sa tinuod nga isyu. Matud niya, maayo ug epektibo ang maong balaod tungod kay ginalikayan niini nga isagol ang mga minor de edad sa mga hardened criminals sa prisohan, ug gihatagan sila og tsansa nga mareporma pinaagi sa restorative justice ug rehabilitation programs.
Gihatagan og gibug-aton sa abogado nga ang angay sutaon ug dulaan sa gobyerno mao ang gamut sa krimen sama sa kon nganong nakahupot og armas ang mga bata, ang impluwensya sa kapintasan sa social media ug video games, ug ang pakyas nga disiplina sa pamilya. Gitapos ni Laviña nga imbes nga priskuhon ang mga bata, kinahanglang papanubagon sa balaod—criminally, civilly, ug administratively—ang mga ginikanan ug tag-iya sa armas nga nagpabaya hinungdan nga nakakuha og pusil ang mga menor de edad.