Gipahibalo sa pangulo sa World Health Organization (WHO) nga misaka na ngadto sa kapin 900 ka mga tawo ang gidudahan nga natakdan sa makamatay nga Ebola virus didto sa Democratic Republic of Congo.
Sumala sa taho, nagpabilin nga taas ang risgo sa pagkaylap sa maong sakit samtang nagkalisod ang mga medical teams sa pag-abot sa mga hilit nga dapit tungod sa kakuwang sa seguridad ug nagpadayong kagubot sa maong rehiyon. Gawas sa mga gidudahang kaso, gikumpirma usab nga duna na’y daghang ihap sa mga nangamatay tungod sa maong outbreak.
Tungod niini, dinalian nga nagpadala ang WHO ug uban pang mga international aid groups og dugang mga bakuna, tambal, ug mga eksperto sa panglawas aron matabangan ang lokal nga kagamhanan sa Congo nga mapugngan ang dugang nga pagkaylap sa virus ug maprotektahan ang mga silingang nasod.