Subling nasakmit ni EJ Obiena ang bulawang medalya human kini misalmot sa ISTAF Berlin niadtong Lunes, diin makalabang sa gihabugon nga 5.82 ka metros sa pole vault.
Napildi ni Obiena ang Belgian nga si Ylio Philtjens ug French nga si Robin Emig nga parehong nakarekord og 5.72 metros.
Kini na ang ikasiyam nga bulawang medalya ni Obiena karong season, ug anaa siya sa ika-12 nga pwesto sa world rankings.
Kwalipikado na usab ang duha ka higayon nga Olympian sa 2027 World Championships bisan pa sa iyang ikalimang pwesto sa Diamond League leg sa Zurich, Switzerland niadtong Agosto 28, diin nalampos niini ang 5.90 metros.
Una nang nakarekord si Obiena og season-best nga 5.91 metros aron makadaog sa bulawan sa Golden Sand outdoor pole vault event sa Międzyzdroje, Poland niadtong Agosto 17.