EU leaders, miuyon sa pagpahulam sa Ukraine og $105-B kon P6.15 trillion

Gianunsyo sa mga lider sa European Union ang funding plan alang sa ekonomiya ug militar sa Ukraine sulod sa duha ka tuig.

Ang maong package pinaagi sa pagpahulam og kwarta, sukwahi sa usa ka inisyal nga plano sa pagpahulam sa mga freeze assets sa Russia.

Ang nahisgutang ipautang nagkantidad og $105-bilyon o kapin kon kulang P6.15 trillion.

Tungod niini gikaingong naibtan og tunok ang pamati sa Ukraine diin kini nanlimbasug sa maong pondo aron makapalit og mga armas batok sa Russia.