Mitaliwn na ang beteranong entertainment journalist ug radio host nga si Jobert Sucaldito sa edad nga 65 anyos. Gikumpirma kini pinaagi sa OOTD Jobert and Chaps Channel, ang YouTube show nila ni direktor Chaps Manansala.
Sa usa ka pamahayag, nagpasalamat ang pamilya ug mga suod nga higaliga ni Sucaldito sa padayon nga gugma, suporta, pag-ampo, ug pagsalig nga gihatag sa publiko kaniya sulod sa daghang katuigan.
Niadtong Hulyo, nangayo pa og pag-ampo si Chaps Manansala alang kang Sucaldito human kini ma-confine sa Providence Hospital sa Quezon City sulod sa halos usa ka bulan tungod sa anxiety ug kakulang sa tulog.
Sa pagkakaron, wala pa’y opisyal nga impormasyon nga gipagawas bahin sa hinungdan sa iyang kamatayon.
Nailhan si Jobert Sucaldito isip usa sa mga bantugang personalidad sa entertainment journalism ug radio broadcasting, ilabina sa iyang maisog nga mga komentaryo ug taas nga kasinatian sa industriya sa showbiz.