- Advertisement -
Napakyas sa una nga round sa 2025 Prudential Hong Kong Tennis Open ang Pinay tennis star nga si Alex Eala ug iyang kauban nga si Chan Hao-ching gikan sa Taiwan.
Gipildi sila nila Aliaksandra Sasnovich sa Belarus ug Kamilla Rakhimova sa Russia sa iskor nga 6-3, 1-6, 7-10.
Sa una nga set, dominado ni Eala ug sa iyang partner ang duwa, apan nakabawi ang ilang mga kontra sa ikaduha ug ikatulo nga set sa usa ka duwa nga milungtad og usa ka oras ug 27 minutos.
- Advertisement -
Kini na ang ika-unom nga Asian tournament ni Eala sukad siya misalmot sa Jingshan, China niadtong Setyembre.
Mobalik usab ang 20-anyos nga si Eala sa singles match diin iyang atubangon si Katie Boulter gikan sa Great Britain.
- Advertisement -