Nasikop sa mga kapulisan ang duha ka lalaki atol sa giapahigayon nga buy-bust operation kagahapon takna alas 8:34 sa gabii, sa Purok 8, Sitio Pacangan, Barangay Lumbo, Valencia City, Bukidnon. Giila ang mga dinakpan sa alyas nga “Boss” ug “Dedil”.
Si alias Boss, 35 anyos, usa ka DI-listed individual, mag-uuma, biyudo, ug residente sa Barangay Lumbo, Valencia City.
Samtang si alias Dedil, 27 anyos, bag-ong nailhang persona, technician, ulitawo, ug residente sa Maramag, Bukidnon.
Gipangunahan ang operasyon sa Valencia City Police Station kauban ang laing local units sa mga otoridad.
Atol sa operasyon, nakumpiska ang gituohang iligal nga droga nga adunay kinatibuk-ang Standard Drug Price (SDP) nga nagkantidad og ₱71,400.
Ang mga nadakpan anaa na karon sa kustodiya sa Valencia City Police Station alang sa hustong disposisyon ug pagpasaka sa kasong may kalabutan sa ilegal nga droga.