Posibleng mosaka pag-usab ang presyo sa mga produktong petrolyo, lakip ang diesel ug gasolina, sunod nga semana.
Sumala sa kalkulasyon gikan sa oil industry source, mahimong mousbaw ang presyo sa diesel og P2.00 hangtud P2.50 matag litro samtang ang gasolina usab anaa sa P0.75 hangtod P1.25 matag litro.
Samtang mokunhod usab ang presyo sa kerosene og P13.30 matag litro. Matud pa sa source nga nagpabiling taas ang presyo sa krudo tungod sa nagkagrabe nga geopolitical tensions sa Middle East, nga nakaapekto sa kalibutanong suplay sa lana.
Dungan niini, gisuportahan usab ang pagsaka sa presyo sa gasolina tungod sa kakulang sa suplay ug sa pagkunhod sa refinery output sa nagkalain-laing nasod. T
ungod sa limitadong suplay sa krudo gikan sa Middle East, napugos matud pa ang pipila ka refinery sa Asya sa paggamit og mas mubo nga kalidad sa crude oil nga dili haom sa pipila ka mga pasilidad.