Mitaliwan na sa edad 77 ang original drummer sa blues-rock band nga ZZ Top nga si Frank Beard. Matud sa banda, namatay si Beard samtang anaa sa hospice care sa iyang ranch sa Richmond, Texas.
Wala magpagawas ang iyang pamilya og detalye bahin sa hinungdan sa iyang kamatayon. Tungod sa iyang pagkamatay, gikansela sa ZZ Top ang ilang mga concert tour sa Utah ug Colorado. Gitukod ang banda niadtong 1969 ug nagsugod sa ilang mga konsiyerto usa ka tuig human niini.
Nakapagawas ang grupo og 15 ka studio albums ug upat ka live albums, lakip ang mga sikat nga kanta sama sa “Gimme All Your Lovin’,” “Sleeping Bag” ug “Viva Las Vegas.” Ang ZZ Top gilangkuban ni founder ug lead vocalist Billy Gibbons ug sa kanhi bassist nga si Dusty Hill, nga namatay niadtong 2021.
Human sa pagkamatay ni Hill, gikuha sa banda si Elwood Francis isip bassist. Gipadayag ni Gibbons ang iyang dakong kasubo sa pagkawala ni Beard, nga iyang giila isip suod nga higala.