DOJ, nadawat na ang US extradition request batok kang Quiboloy ug uban pa

Gikumpirma ni Chief State Counsel Dennis Arvin Chan nga nadawat na sa Department of Justice ang pormal nga extradition request sa Estados Unidos alang kang Pastor Apollo Quiboloy ug duha pa ka respondents.

Gibutyag ni Chan nga gisusi na sa DOJ ang mga dokumentong gisumite sa gobyerno sa Amerika aron masiguro nga nagsunod kini sa Philippine-United States Extradition Treaty ug sa Philippine Extradition Law.

Matud pa sa opisyal, padayon pa ang pag-review sa extradition request ug wala pa maghatag ang DOJ og dugang detalye samtang nagpadayon ang ilang pagsusi sa legal nga pagsunod sa maong hangyo.