Gipamugos sa Malacañang nga kinahanglan klaro, husto ug adunay kompletong dokumentasyon ang paggamit ug pag-liquidate sa confidential funds bisan pa man nga dili dayon isa publiko ang mga detalye niini.
Gipadayag ni Palace Press Officer Usec. Claire Castro nga kinahanglan mapakita ang mga dokumento ug resibo kung adunay audit o red flag nga makita ang Commission on Audit.
Subay niini, gibutyag usab ni Palace Press Officer Undersecretary Claire Castro nga dili angay gamiton sa mga abogado ang misleading questions, ilabina atol sa cross-examination, tungod kay mahimong malibog o mapugos ang testigo sa paghatag og tubag nga “oo” o “dili” bisan adunay importanteng detalye nga angay nga ipasabot.
Nagpasidaan usab si Castro nga kung adunay sayop o dili klarong pamahayag atol sa hearing, mas maayo nga makorek dayon kini sa abogado mismo aron malikayan ang dugang nga kontrobersiya ug lain-laing interpretasyon.