Gipasalig sa Department of Justice (DOJ) nga bukas kini sa pagdawat sa pamahayag ug depensa ni Senador Robin Padilla kalabot sa alegasyong pagtabang kang Senador Ronald dela Rosa aron makalikay sa mga otoridad.
Sumala ni Justice Secretary Fredderick A. Vida, andam ang DOJ nga maminaw sa bisan kinsang adunay impormasyon nga makatabang sa ilang imbestigasyon ug pagpatuman sa hustisya.
Matud niini, tumong sa ahensya nga mapriso ang adunay sala ug maabswelto ang walay kalapasan base lamang sa ebidensya ug tinuod nga datos.
Bisan pa niini, giingon sa kalihim nga dili na kinahanglan ipatawag pa si Padilla tungod kay adunay na kini mga publikong pamahayag nga giila sa DOJ isip kabahin sa factual circumstances nga ilang gisusi.
Sa kasamtangan, gilauman usab nga magpasaka og reklamo ang PNP-CIDG batok sa senador, apan gipasalig sa DOJ nga agi gihapon kini sa hustong legal nga proseso ug preliminary investigation aron masiguro ang katungod sa tanang partido.