Nagkatigom ang mga magtutudlo gikan sa tulo ka school divisions sa Bukidnon langkob niini ang Division of Bukidnon, Division of Malaybalay City ug Division of Valencia City atol sa First Bukidnon Educators’ Congress kagahapong adlawa.
Gihisgutan ang bag-ong polisiya sa Department of Education o DepEd bahin sa paggamit sa Artificial Intelligence o AI sa basic education, ubos sa DepEd Order No. 003, Series of 2026 o ang Foundational Guidelines on Artificial Intelligence in Basic Education.
Sumala ni DOST Region 10 Regional Director Dr. Mark Lemuel Garcia, nauna na ang paggamit sa AI sa mga magtutudlo ug estudyante bisan wala pa gipatuman ang polisiya nga maggiya sa hustong paggamit niini.
Pinaagi sa bag-ong guidelines, tumong sa DepEd nga maorganisa ug mapalambo ang responsable nga paggamit sa AI sa edukasyon.
Gibahin ang paggamit sa AI ngadto sa tulo ka importanteng aspeto: AI in Education, alang sa pagtudlo, assessment ug personalized learning; Education on AI, alang sa pagpalambo sa AI literacy ug pagsabot sa mga limitasyon niini; ug AI for Governance, alang sa pagpalambo sa operasyon ug paghimo og mga polisiya sa mga tulonghaan.