Gipakusgan sa Department of Education o DepEd Region X ang pakigtambayayong sa Local Government Units, non-government organizations, pribadong sektor ug mga lokal nga komunidad aron matubag ang nagkalain-laing hagit sa edukasyon, ilabina ang kakulang sa pondo.
Sa pakighinabi sa Bombo Radyo Malaybalay kang DepEd-10 Regional Director Dr. Ruth L. Fuentes, CESO III, atol sa First Bukidnon Educators’ Congress, dako ang panginahanglan sa pondo sa ahensya tungod sa kadaghan sa mga estudyante ug magtutudlo nga ilang giserbisyohan.
Bisan pa sa limitado nga pondo, gipasiugda sa DepEd nga dili kini angay mahimong babag sa paghatag og kalidad nga serbisyo.
Lakip sa ilang mga lakang ang whole-community approach, pagpalig-on sa seguridad sa mga tunghaan, dugang security guards, perimeter fences, metal detectors ug guidance services alang sa bullying ug mental health concerns.