Gipangutana sa Senado ang Department of Budget and Management (DBM) sa pagpadayon sa dakong alokasyon alang sa Financial Assistance to Local Government Units (FALGU) sa 2027, bisan hinay ang paggasto sa pondo.
Gikan sa ₱5 bilyon nga orihinal nga gisugyot sa ehekutibo alang sa 2026, misaka ngadto sa ₱41.845 bilyon ang alokasyon ubos sa House General Appropriations Bill, samtang ₱37.493 bilyon ang naaprobahan sa 2026 General Appropriations Act.
Matod ni de Leon, unang higayon nga ang tanang probinsya, siyudad ug munisipalidad nakadawat og alokasyon gikan sa FALGU, lakip ang pondo alang sa pag-apod-apod og bugas.
Gikumpirma sa kalihim nga ipadayon sa 2027 ang programa sa pag-apod-apod og bugas, base sa implementasyon niini sa 2026.
Giila ni de Leon nga hapit katunga sa alokasyon sa FALGU gigahin alang sa programa sa bugas, samtang gipasiugda ni Senadora Imee Marcos nga hangtod Agosto, ₱1.6 bilyon o 4.3 porsiyento lamang sa pondo ang naobligar ug ₱145.97 milyon ang na-disburse.