Temporaryong gisuspende sa Department of Agriculture o DA ang pag-angkat sa mga buhing hayop ug pipila ka animal products sa gikan sa pito ka nasud tungod sa outbreak sa foot-and-mouth disease o FMD.
Lakip niini ang mga nasud sa Azerbaijan, Bahrain, Cyprus, Iraq, Israel, Kuwait ug Palestine.
Gidili una ang pagpasulod sa buhing baboy, baka, kabaw ug uban pang hayop nga dali matakdan sa FMD, lakip ang preskong karne ug animal semen.
Matud sa DA, gihimo ang lakang aron mapanalipdan ang livestock sector, panginabuhian sa mga mag-uuma ug food security sa nasud.
Gikumpirma sa Food and Agriculture Organization sa United Nations ang outbreak sa FMD virus serotype SAT1 sa mga apektadong lugar.
Samtang, gitugotan gihapon ang pipila ka safe commodities sama sa UHT milk, dairy products, heat-treated canned meat ug gelatin.