Naangkon sa usa ka babaye sa India ang Guinness World Records alang sa pinakataas nga buhok sa usa ka babaye. Si Renu Dhariyal, usa ka content creator nga naghisgot bahin sa beauty ug hair care, adunay buhok nga mokabat sa 8 feet ug 10 inches o kapin 2.6 metros ang gitas-on.
Niadtong 2015, mihunong siya sa pagpaputol sa iyang buhok tungod sa iyang pagtuo sa kahinungdanon sa taas nga buhok sa kultura sa India.
Nalabwan niini ang kanhing record holder nga si Aliia Nasyrova sa Ukraine, nga adunay buhok nga 8 feet ug 5 inches. Matud ni Dhariyal, migahin siya og pipila ka oras sa paghugas ug pagtangtang sa mga buhol sa iyang taas nga buhok.
Mas gipili usab niini ang natural nga mga sangkap tandi sa daghang commercial hair products aron mapabiling himsog ang iyang buhok.