Gibitay sa China ang 11 ka myembro sa pamilyang Ming, nga giisip nga usa ka notorious mafia nga nagpadagan sa usa ka multibillion-dollar scam industry sa Myanmar.
Gisentensyahan sa korte sa lalawigan sa Zhejiang sa China angmaong pamilya og silot kamatayon kaniadtong Setyembre human kini napamatud-ang sad-an sa daghang mga kaso sa homicide, illegal detention, fraud ug pagpadagan sa illegal nga sugalan.
Ang Ming usa sa daghang mga pamilya nga nagpadagan sa lungsod sa Laukkaing sa Myanmar, nga nahimo nga sentro sa mga casino ug sex trade.
Hinay-hinay nga nahunong ang mga kalihokan niini kaniadtong 2023 sa dihang nadakpan kini ug gitugyan ngadto sa China sa mga lokal nga militia sa lungsod sa Laukkaing.
Ang pagpatay sa mga myembro sa mafia usa ka mensahe sa deterrence o pagpugong sa China batok sa mga mosulay sa paghimo og scam activities.