Gibutyag ni Senate President Alan Peter Cayetano nga ang National Bureau of Investigation nga maoy nag-unang hinungdan sa tensyon ug nahitabong pagpamusil sulod sa Senado niadtong Mayo 13.
Matod ni Cayetano, walay matud pay tinuod nga impormasyon ang gipagawas ni NBI Director Melvin Matibag kalabot sa operasyon sa NBI duol sa Senado ug sa giingong pagsulay sa pag-aresto kang Senador Ronald dela Rosa.Â
Sigon usab sa Senate President nga nagkadaghan ang dili magkatakdo nga pamahayag sa NBI, ilabina human makita sa mga video nga adunay mga ahente nga nag-inspeksyon sa mga sakyanan nga migawas gikan sa Senado bisan pa sa unang pag-angkon nga walay deployment duol sa lugar.
Gidugang usab ni Cayetano ang pangalan ni kanhi Senador Antonio Trillanes IV human matud pa nakita kini uban sa mga ahente sa NBI niadtong unang adlaw sa operasyon batok kang Dela Rosa.
Samtang, gikumpirma ni Ombudsman Jesus Crispin Remulla nga gipirmahan na niini ang unom ka bulan nga preventive suspension batok kang Acting Senate Sergeant-at-Arms Mao Aplasca aron mapadali ang imbestigasyon sa nahitabong kagubot ug pagpamusil sa Senado.
Matod ni Remulla, posibleng atubangon ni Aplasca ang mga kaso sama sa obstruction of justice ug failure to maintain public order and safety tungod sa unang pagpabuto niini og armas sulod sa Senado diin posibleng adunay nadamay nga media personnel ug ubang tawo sa sulod sa building.