Ming-abot sa US$2.87 bilyon ang cash remittances gikan sa mga Overseas Filipino Workers (OFWs) niadtong Marso 2026, sumala sa Bangko Sentral ng Pilipinas (BSP).
Mingsaka kini og 2.8% itandi sa US$8.44 bilyon nga natala gikan Enero hangtud Marso 2025, nga nahimong US$8.68 bilyon sa susamang panahon sa 2026.
Nagpabiling nag-unang gigikanan sa remittances ang Estados Unidos, nga gisundan sa Singapore ug Saudi Arabia.
Ang maong mga nasud adunay dakong ihap sa mga Pilipinong mamumuo sa sektor sa kahimusg, teknolohiya, ug serbisyo.
Samtang, ang personal remittances – lakip ang cash nga ipadala pinaagi sa bangko, informal channels, ug remittances in kind –mo-abot sa US$3.20 bilyon niadtong Marso 2026.
Sa year-to-date nga natala, mingsaka kini og 2.8% gikan sa US$9.40 bilyon niadtong Enero-Marso 2025 padulong sa US$9.66 bilyon sa susamang panahon sa 2026.
Importante ang remittances isip usa sa pinakadakong resources sa foreign exchange reserves sa Pilipinas.