Nanawagan si Archbishop José Cardinal Advincula sa mga magtutuo niadtong Huwebes Santo nga magpaubos ug magpakita og kaluoy sa uban taliwala sa nagpadayon nga mga panagbangi sa tibuok kalibutan.
Sa Misa sa Kataposang Panihapon o Last Supper Mass sa Manila Cathedral, sigon niini nga ang mga Katoliko kinahanglang mahimong instrumento sa maayong balita, tulay sa kaluoy, ug kahayag taliwa sa kapintasan.
Gipasiugda niini nga ang “hinagiban” sa mga magtutuo dili ang kapintasan kondili ang pulong sa Dios nga naghatag ug kinabuhi ug nagtudlo sa tinuod nga panag-uban.
Sumala pa sa kardinal, ang mga panagbangi naggikan sa pagkamapahitas-on, kabangis, ug kakulang sa pagtahod sa usag usa, imbes sa diyalogo ug pagsinabtanay.
Ang panawagan sa kardinal miabot taliwala sa tensyon sa Middle East nga naglambigit sa Estados Unidos, Israel, ug Iran.
Samtang, 12-ka katekista ang mingsalmot sa paghugas og tiil isip paghandom sa gihimo ni Hesu Kristo, usa ka pahinumdom sa pagserbisyo, pagkamhi-ubsanon, ug paghinigugmaay.
Gisaulog sa Huwebes Santo ang Misa sa Panihapon sa Panginoon isip paghandom sa kataposang panihapon adiser ang iyang sakripisyo, kamatayon ug pagkabanhaw.