Gipaambit sa Israel ngadto sa Estados Unidos ang intelligence information kabahin sa usa ka bag-o ug “espisipiko” nga plano sa Iran aron ipapatay si US President Donald Trump.
Migawas ang maong taho human sa sunod-sunod nga retaliatory strikes tali sa Estados Unidos ug Iran nga nakapukaw sa kabalaka sa posibleng mas dako nga panagbangi o all-out war.
Samtang mipauli gikan sa usa ka NATO Summit sa Turkey, gihangyo sa US Secret Service kang Trump nga dili gamiton ang bag-ong eroplano nga regalo sa Qatar.
Gipadala ang maong eroplano ngadto sa Britain, samtang misakay si Trump sa karaang Air Force One paingon balik sa Washington isip kabahin sa mga lakang sa seguridad.
Sumala ni Trump nga nahibal-an na niini ang giingong hulga, ug adunay mga dautang intensyon batok kaniya diin anaa siya sa “matag lista,” apan wala na niya gihatag ang dugang nga detalye kung unsang lista ang iyang gipasabot.
Sumala sa US Secret Service, gipili ang paggamit sa karaang Air Force One imbis sa bag-ong eroplano nga regalo sa Qatar isip dugang nga pag-amping batok sa posibleng hulga sa seguridad.