Mikanaog na isip legal counsel ni kanhing Pangulo Rodrigo Duterte sa International Criminal Court (ICC) si Atty. Nicholas Kaufman human matapos ang iyang kontrata niadtong Marso 31, 2026.
Sa resignation niini nga gi-file sa ICC niadtong Mayo 8, giingon nga nagkasabot siya ug ang kampo ni Duterte nga tapuson na ang ilang propesyonal nga relasyon.
Matud sa ICC, nakabisita ang defense team sa kanhing pangulo ug didto gi-record ang iyang pag-withdraw sa serbisyo ni Kaufman ug ang iyang tinguha nga mopili og bag-ong abogado.
Gi-report usab nga nakapili na ang kanhing presidente og bag-ong legal counsel nga mopuli sa iyang depensa sa kaso nga may kalabutan sa crimes against humanity tungod sa kontrobersyal nga war on drugs.
Sumala ni Kaufman, nakaistorya na niya ang bag-ong abogado ug gisaad niini nga andam dayon mopadayon sa kaso, lakip na ang sunod nga hearing sa ICC nga gikatakda sa Mayo 27, 2026.
Bisan pa sa pagbiya, sigon ni Kaufman nga dili maapektuhan ang kaso kay ang mopuli kaniya adunay kasinatian na sa ICC proceedings.
Sa pagkakaron, wala pa’y opisyal nga pamahayag ang kampo ni Duterte kung kinsa ang bag-ong legal counsel niini.