Subling nakabalik na sa court ang Ateneo de Manila University Blue Eagles human sa halos duha ka bulan nga pahulay sa ilang kampanya, tungod sa makapasubo nga pagkamatay sa duha players niini nga sila Rene “Bobet” Baterbonia ug Divine Adili.
Misabak ang Blue Eagles sa Pinoyliga Collegiate Cup: The Big Dance diin ilang giatubang ang Phoenix sa Our Lady of Fatima University (OLFU).
Lakip usab sa maong torneyo ang mga team gikan sa De La Salle-College of Saint Benilde, University of Santo Tomas ug Mapúa University.
Gipangulohan karon sa bag-ong head coach nga si Louie Alas ang Ateneo human mipahibalo og pag-resign ang kanhing coach nga si Tab Baldwin gumikan sa trahedyang nahitabo atol sa team-building activity sa grupo sa Aurora.
Gawas sa Pinoyliga, nag-andam usab ang Blue Eagles alang sa UAAP Season 89 nga gikatakdang magsugod sa bulan sa Septyembre.