Gisaulog sa Pinay tennis star nga si Alex Eala ang iyang ika-21 nga adlawng natawhan pinaagi sa usa ka yano nga panihapon uban sa iyang pamilya ug mga kabanay didto sa Paris, France.
Sa iyang social media post, nagpasalamat si Eala sa tanang nahimong bahin sa iyang panaw ug sa mga tawong nagsuporta kaniya. Matod sa batan-ong atleta, bisan pa man sa iyang ka-busy sa training ug mga torneyo, gipili niya nga gahinan og panahon ang iyang pamilya alang sa maong espesyal nga okasyon.
Sa pagkakaron, anaa sa Paris si Eala aron mangandam alang sa iyang kampanya sa nagkaduol nga mga dagkong torneyo sa Europe. Gilauman nga mas mokayod pa ang tennis sensation aron mosaka ang iyang ranking sa tibuok kalibutan human sa iyang kalamposan sa mga milabay nga kompetisyon.