Niabot na sa 90 ka tawo ang nakalas human sa nahitabong kusog nga pagpamuto sa gas sulod sa usa ka minahan sa coal o kuryente didto sa Shanxi Province, amihanang bahin sa China.
Sumala sa taho sa mga otoridad, anaa sa 247 ka mga trabahante ang anaa sa ilawom sa yuta sa dihang nahitabo ang duguong trahedya sa Liushenyu coal mine. Gawas sa mga namatay, duna pa’y laing 123 ka mga minero ang dinalian nga gidala sa ospital tungod sa mga naangkon nga samad ug grabeng pagkahilo gikan sa makahilong aso sa gas, samtang duna pa’y pipila ka mga trabahante ang nagpabilin nga nawala.
Gimandoan na ni Chinese President Xi Jinping ang mga rescue teams nga himoon ang tanang pamaagi aron masalbar ang uban pang posibleng natrapan sa ilawom. Nagsugod na usab og lunsad og lawom nga imbestigasyon ang gobyerno sa China, ug kasamtangan nang gipangdaop o gipaubos sa kustodiya sa mga otoridad ang mga tagduma sa maong kompanya sa minahan aron manubag sa maong dakong aksidente.