Alex Eala makasangka si Olympic champion Belinda Bencic sa Round of 16 sa Canadian Open

Makaatubang sa Pinay tennis star nga si Alex Eala ang usa ka dako nga hagit human makalusot sa Round of 16 sa Canadian Open didto sa Toronto aron ikasangka ang Tokyo Olympics gold medalist nga si Belinda Bencic sa Switzerland.

Nipadayon si Eala sa maong hugna human gipildi si Caty McNally sa USA sa iskor nga 6-3, 5-7, 6-4, bisan pa man sa giatubang nga ankle issue o sakit sa buol-buol atol sa ikaduhang set. Samtang ang World No. 14 nga si Bencic ning-abante usab sa pikas bahin human gipildi si Taylor Townsend.

Kini ang unang pormal nga pag-atbang sa duha sa court. Dala ni Eala ang pito ka sunod-sunod nga kadaogan sukad sa iyang pagkampeon sa DC Open, ug naglaum nga magpadayon ang iyang maayong porma batok sa sikat nga Swiss star.