Usa ka 5-anyos nga bata gikan sa China ang nagmugna og kasaysayan human opisyal nga giila isip pinakabata nga professional racecar driver sa tibuok kalibutan.
Si Zhao Ziyan nakakuha og lisensya ug training certificate gikan sa RUNRACING Driving Academy niadtong Abril 9, 2023.
Matud pa namat-an na niini ang racing simulators sa edad nga usa ka tuig pa lamang ug nagsugod og maneho og race karts sa wala pa mag-tulo ka tuig.
Sa edad nga upat, nisalmot na si Zhao sa mga propesyonal nga rally events diin nadawat niini ang Hope Star Award sa 2023 China Rally Sprint Championship.
Ggawas pa niini, nakasulod kini top 30 sa labing maayong virtual drivers sa kalibutan pinaagi sa mga sikat nga simulators sama sa DiRT Rally 2.0.
Aron suportahan ang maong talagsaon nga talento, nigasto ang iyang amahan og mokabat sa 800,000 yuan (duol sa 6.4 milyones pesos) alang sa mga modified racecars ug advanced simulators, samtang siya mismo ang nagsilbing co-pilot sa iyang anak sa matag lumba.