2 ka indibidwal nasikop sa kasong child abuse sa managlahing operasyon sa Bukidnon

Nasikop sa managlahing operasyon sa kapulisan sa Bukidnon ang usa ka lalaki ug usa ka babaye nga susamang nag-atubang og kasong child abuse.

Unang nadakpan sa Libona Municipal Police Station si Junerey Apus Mangconsay, 37-anyos, sa Barangay Poblacion tungod sa paglapas sa Section 10(A) sa RA 7610 nga adunay girekomendang piyansa nga P40,000.

Sa laing bahin, nasikop usab sa Talakag Municipal Police Station si Wilma Capin Manita, 52-anyos, sa Barangay San Rafael base sa warrant of arrest alang sa child abuse nga gipagawas pa niadtong 2011 nga adunay piyansa nga P80,000.

Sa pagkakaron, ang duha ka suspetsado anaa na sa kustodiya sa tagsa-tagsa ka istasyon sa pulisya alang sa dokumentasyon ug tukmang disposisyon sa mga kaso giatuabang.