Gitawag nga ‘walay pulos’ sa usa ka eksperto sa balaod ang anti-political dynasty tungod sa kakulang sa pag-uswag niini sa Pilipinas. Matud pa ni Atty. Oscar Moreno, usa ka law expert ug corporate lawyer, nga lisod mapalabang ang maong balaodnon gumikan ang mga miyembro mismo sa Kongreso nga mao
y mo-apruba niini, nalambigit man usab sa mga political dynasties.
Tungod niini, gipadayag sa abogado nga magpabilin lamang kini nga usa ka teorya, bisan unsa pa kamabulokon ang mga diskusyon, hangtod nga ang mga naghupot sa gahum hugot nga mapanalipdan sa maong sistema.
Subling gitumbok sa abogado nga walay kapuslanan ang paghisgot sa mga detalye sa anti-political dynasty law, sama sa “degree” sa kabanay nga gid-an sa pagdagan.
Matud niini, dili ipasa sa mga mambabalaod ang bisan unsang balaodnon nga makadaot sa ilang personal nga interes o dili uyon sa ilang politikanhong pamilya.
Gisaway usab niini ang sistema sa “pork barrel” isip usa sa mga rason kon nganong gipanghingusgan sa mga politiko ang pagpabilin sa ilang pamilya sa gahum pinaagi sa political dynasties.
Matud pa, ang tinguha alang sa usa ka anti-dynasty law magpabilin lamang nga “play of words” kon wala kini sa kasingkasing ug huna-huna sa mga mambabalaod nga mupatigbabaw ang interes sa publiko tandi sa ilang kaugalingong pamilya