Gibutyag ni Ombudsman Jesus Crispin “Boying” Remulla nga dili sa panahon ni Presidente Ferdinand “Bongbong” Marcos Jr. nagsugod ang “maleta delivery” ngadto sa mga opisyal sa kagamhanan.
Gipaambit ni Remulla nga kini base sa mga nadawat nga report gikan sa mga kasaligang tawo.
Sumala sa impormasyon, ang usa sa mga hulagway o picture nga naa sa joint affidavit sa nagpaila nga napulog-walo (18) ka mga kanhi sundalo, nakuha pa kaniadtong panahon ni kanhi House Speaker Lord Allan Velasco.
Dugang pa nga ang maong hulagway nagpakita sa giingong pag-deliver og mga maleta nga gituohang adunay sulod nga kwarta.
Gipakita niini ang pag manipula sa kamatuoran nga anaa sa maong grupo.
Apan pagklaro niini, usa lamang kini sa mga hulagway nga nalakip sa joint affidavit sa mga ex-marines ug wala kini magpasabot nga ang uban pang mga hulagway apil usab sa giingong maleta delivery nga nahitabo sa wala pa ang tuig 2022.
Tungod niini, seguradong matod pa niini nga panahon pa ni Duterte nagsugod ang delivery sa giingong mga maleta nga adunay sulod nga kwarta.