Naangol ang upat ka indibidwal, lakip na ang usa ka menor de edad, human sa usa ka karambola nga naglambigit sa lima ka sakyanan sa Sayre Highway, Purok 2, Brgy. Aglayan (Rotunda), Malaybalay City, Bukidnon, kagahapong adlawa Marso 12, 2026, sa alas 5:15 sa hapon.
Base sa imbestigasyon, nasayran nga ang usa ka Isuzu Wing Van nga giguyod sa usa ka Dump Truc kalit nga nawad-an og kontrol samtang nagsubay sa kurbada, hinungdan nga mibangga kini sa usa ka Mitsubishi Strada nga naka-park sa daplin sa dalan.
Tungod sa kakusog sa impact, nadasmagan usab ang nag-una nga skeletal motorcycle ug usa ka XRM, samtang nangabuak usab ang dose ka kaha sa Coca-Cola nga anaa sa dapit.
Ang mga biktima daling gidala sa Bukidnon Provincial Medical Center (BPMC) sa mga personahe sa MERU, samtang ang mga drayber sa duha ka trak gipailawom na sa imbestigasyon sa Malaybalay City Police Station alang sa tukmang disposisyon.