Gisugdan na sa lokal nga kagamhanan sa syudad sa Valencia ang implementasyon sa four-day workweek samtang gihulat-hulatan ang ubang lugar sa Bukidnon sa pagsunod niini.
Sa eksklusibong pakighinabi sa Bombo Radyo Malaybalay kang Ruben T. Biado, Supervising Labor and Employment Officer sa DOLE Bukidnon Provincial Field Office, ang desisyon pinasikad sa memorandum gikan Malacañang, nga nagtumong sa paghatag og mas flexible nga working arrangement alang sa mga empleyado sa gobyerno aron usab mapakunhuran ang epekto sa pagtaas sa presyo sa lana.
Sigon ni Biado, ang matag empleyado sa gobyerno makatrabaho og 40 ka oras matag semana, apan gi-compress kini sa upat ka adlaw.
Ang matag adlaw mahimong mosaka sa 10 ka oras aron mapadayon ang full workweek hours.
Dugang pa niini, adunay usab opsyon ang uban nga ahensya nga mag-work from home usa ka adlaw sa matag semana, sama sa plano sa Valencia City.
Ang opisyal nga oras sa trabaho magsugod alas 7 sa buntag hangtod alas 6 sa hapon, depende sa internal nga schedule sa tagsa-tagsa ka ahensya.
Giklaro sa usab sa DOLE nga ang implementasyon sa four-day workweek dili makaapekto sa sweldo sa mga empleyado, ug magpadayon gihapon ang regular nga benepisyo.
Gihulatan pa usab karon ang posibleng memorandum alang sa pribadong sektor ug mga kompanya kabahin sa maong flexible working arrangement.