Ukraine, gipang-igo ang mga importanteng military factories sa Russia

Gikompirma ni Ukraine President Volodymyr Zelensky nga malampusong naigo sa ilang military forces ang mga mahinungdanong planta sa Russia. Sumala sa report, ang maong mga pasilidad mao ang tighimo og mga electronics ug mga parte para sa mga missiles sa Russia.

Gigamit sa Ukraine ang British Storm Shadow missiles aron targeton ang Kremniy El plant nga nahimutang sa Bryansk border region. Samtang, gipahayag sa Russia nga unom ka sibilyan ang namatay ug 42 ang angol sa maong pagpangatake nga giisip nila nga usa ka teroristang missile attack.

Tungod niini, nanumpa ang Russia nga mobalos sila sa gihimo sa Ukraine.